Pe fa 'o ccafè bbuono ce vonno pacienza e passione:
'nu cucchiarino chino chino d'ammore 'e devuzione,
'nu core frizzantiello si 'o vuò fa bello schiummato
e 'na 'nticchietella d'anice si te piace aromatizzato.
P'ô fa ascì vullente ce vo' 'nu granello 'e sentimento.
P'ô fa venì scuro 'nu pucurillo 'e povere d'argiento.
'O ffuoco tienele vascio: 'o ccafè adda ascì lento lento,
Senza pressa, chiano: sape isso quann'è 'o mumento.
Quanno 'o vide murmulià e siente ca te chiamma,
tu 'nun ô stutà, acala sulo 'nu tanteniello 'a fiamma.
Po' miettelo dint'à 'na tazza, maje dint'ô bicchiere.
Vide ca a poco 'a vota accuonce vocca e penziere,
Ll'urdemo cunziglio: stamme a ssentere ca t'ô spiego:
S'ha dda fa cu 'a mana d'ô core: osinò vene 'na ciofeca.
'nu cucchiarino chino chino d'ammore 'e devuzione,
'nu core frizzantiello si 'o vuò fa bello schiummato
e 'na 'nticchietella d'anice si te piace aromatizzato.
P'ô fa ascì vullente ce vo' 'nu granello 'e sentimento.
P'ô fa venì scuro 'nu pucurillo 'e povere d'argiento.
'O ffuoco tienele vascio: 'o ccafè adda ascì lento lento,
Senza pressa, chiano: sape isso quann'è 'o mumento.
Quanno 'o vide murmulià e siente ca te chiamma,
tu 'nun ô stutà, acala sulo 'nu tanteniello 'a fiamma.
Po' miettelo dint'à 'na tazza, maje dint'ô bicchiere.
Vide ca a poco 'a vota accuonce vocca e penziere,
Ll'urdemo cunziglio: stamme a ssentere ca t'ô spiego:
S'ha dda fa cu 'a mana d'ô core: osinò vene 'na ciofeca.
Commenti
STRAORDINARI DISTICI...
*****