Quanno nascette ’o sole,
’e ffemmene ’e tutte ’e ccittà
se vestetteno ’a festa:
ognuna s’ ’o vuleva spusà.
’E ffigliole cchiù ggiovene
mistravano ’e zzezzelle,
se mbellettavano ’o viso
cu ’a polvere ’e stelle.
Chi cantava, chi mbiancava
’a luna chiena,
chi nfunno ô mare
ntunava ’o canto 'e na sirena.
Sulo Rusella se sentiva
scola e scunzulata:
s’era dispiaciuta,
nun l’avevano manco mmitata.
’A figliola chiagneva,
vuleva ij pur'essa ’a festa:
accussì cercaje cose 'e lusso
dint’a na grossa cesta.
Ma nun ce steva niente
ca se prestasse a ll'uso:
Rosa truvaje sulo scarpe rotte
e guante cu ’e purtuse.
«Figurammece si ’o sole,
accussì bello, penza a mme!»
Ripeteva scunsulata
e suspiranno fra se e sé.
Nu juorno, a ll’alba, succedette
nu fatto curiuso:
’o sole se scetaje
tutto scuro e nzeriuso.
Pe ttramento ca se lavava,
nu vacillo chino d'oro
abbascio facette cadé,
a Rrusenella lle s'adurnajene
'e capille, 'e scarpe,
'e vestite e ’o decolletè.
Comm’era bbella Rusella,
tutta cuperta d’oro:
’'o sole, vedennola,
lle sbatteva forte ’o core.
Scennette ncopp’â terra,
’a mano 'e Rusella vasaje,
po’ tutto raggiante
dint’ô cielo s’ ’a purtaje.
Da allora ’o sole e Rusella
fanno ammore mmiez’ê stelle:
ogni ccsgno ’e stagione
nasceno mille criaturelle.
A vvierno nasceno arance,
e noce ’e limone,
a primmavera tutte
’e frutte d’ ’a passione.
E a maggio, mentre ll’aucielle
cantano l’ammore,
Rusenella bbella,
già riggina... addeventa sciore.
’e ffemmene ’e tutte ’e ccittà
se vestetteno ’a festa:
ognuna s’ ’o vuleva spusà.
’E ffigliole cchiù ggiovene
mistravano ’e zzezzelle,
se mbellettavano ’o viso
cu ’a polvere ’e stelle.
Chi cantava, chi mbiancava
’a luna chiena,
chi nfunno ô mare
ntunava ’o canto 'e na sirena.
Sulo Rusella se sentiva
scola e scunzulata:
s’era dispiaciuta,
nun l’avevano manco mmitata.
’A figliola chiagneva,
vuleva ij pur'essa ’a festa:
accussì cercaje cose 'e lusso
dint’a na grossa cesta.
Ma nun ce steva niente
ca se prestasse a ll'uso:
Rosa truvaje sulo scarpe rotte
e guante cu ’e purtuse.
«Figurammece si ’o sole,
accussì bello, penza a mme!»
Ripeteva scunsulata
e suspiranno fra se e sé.
Nu juorno, a ll’alba, succedette
nu fatto curiuso:
’o sole se scetaje
tutto scuro e nzeriuso.
Pe ttramento ca se lavava,
nu vacillo chino d'oro
abbascio facette cadé,
a Rrusenella lle s'adurnajene
'e capille, 'e scarpe,
'e vestite e ’o decolletè.
Comm’era bbella Rusella,
tutta cuperta d’oro:
’'o sole, vedennola,
lle sbatteva forte ’o core.
Scennette ncopp’â terra,
’a mano 'e Rusella vasaje,
po’ tutto raggiante
dint’ô cielo s’ ’a purtaje.
Da allora ’o sole e Rusella
fanno ammore mmiez’ê stelle:
ogni ccsgno ’e stagione
nasceno mille criaturelle.
A vvierno nasceno arance,
e noce ’e limone,
a primmavera tutte
’e frutte d’ ’a passione.
E a maggio, mentre ll’aucielle
cantano l’ammore,
Rusenella bbella,
già riggina... addeventa sciore.
