Ciatu chinu d'amuri
Ciatu meiu,
ciatu chinu d'amuri,
ti offru lu me' cori
nsinu a quannu la me' vita nun mori.
Ciatu meiu,
ciatu chinu di veru amuri,
ti offru l'alma mia
nsinu a quannu nun tramunta lu me' suli.
Ciauru di ciuri,
sapuri di meli,
ju vinni supra a sta terra
pi sirviri a tia,
cha allumini di biddizza
la strata cha caminu cu stanchizza
e soni l'arpa di l'allegrizza
pi dunari piaciri all'anima mia
cha nun è chiu afflitta di tristizza.
Ciaurusu,
sapurusu
e inebrianti meli,
Ju nascii
pi serviri a tia
picchi sugnu lu to' divotu
cavaleri.
Franciscu Ministreddu Puitanti D'amuri
Commenti