Quanta vite stann'appese a nu filo,
pareno tanta foglie 'e giurnale,
ca scutuliate e sbrunzuliate d' 'o viento,
s'accartocciano comm'ê ffoglie autunnale.
'Sti vvite se vulesseno difennere;
ma nisciuno se nne mporta:
ha nna avé a cche ffa' cu facce brutte,
ca sputano pure nfacci' 'a morte.
'E parlà se metteno scuorno,
stanno 'int'ô scuro appaurate:
nne tenessero 'e cose 'a dicere...
però se nne stanno appartate.
Nisciuno maje 'e vvo' sentere
e ogneduno fa finta 'e niente:
se vasano 'e mmane ô nemico,
ntanto 'o friddo fa sbattere 'e diente.
Quanta vite rummaneno appese:
teseche comm'ê foglie 'e ggiurnale,
vulesseno scrivere e ddicere parole
a cchi nun vo' bbene e ffa male.
Comme foglie 'e giurnale stanno appese,
cu 'e pparole sculurite d' 'a pioggia;
aspettano d'essere liggiute;
ma nun se sape si dimane o ogge.
Se spera sempe ca nu bbellu juorno
na perzona onesta, sincera e ggalante...
scrivarrà ncopp'a 'sti foglie 'e ggiurnale
quacche nnutizia bbona e mpurtante.
E allora 'e pparole parlarranno:
alluccarranno cose 'a tiempo taciute.
Finarmente se cuntarranno tanti fatte,
se diciarranno cose maje lette e ssentute.
'A ggente accummenciarrà a ddicere,
scurrarranno sciumme 'e parole:
'int'ê rrecchie 'e tutte 'e crestiane,
se sentarranno 'e parpete d' 'o core.
Parlarrà pure chi nun teneva 'o diritto
parlarrà chi maje niente ha ditto.
Sunarranno 'e ccampane p'ore e ore,
a ogni rintocco spuntarrà nu sciore.
E cchiù nisciuno starrà appiso a nu filo,
comme si fosse nu foglio 'e giurnale:
pecché 'a vita 'e ognuno è mpurtante.
Pecché ogn'essere umano è speciale.
o
pareno tanta foglie 'e giurnale,
ca scutuliate e sbrunzuliate d' 'o viento,
s'accartocciano comm'ê ffoglie autunnale.
'Sti vvite se vulesseno difennere;
ma nisciuno se nne mporta:
ha nna avé a cche ffa' cu facce brutte,
ca sputano pure nfacci' 'a morte.
'E parlà se metteno scuorno,
stanno 'int'ô scuro appaurate:
nne tenessero 'e cose 'a dicere...
però se nne stanno appartate.
Nisciuno maje 'e vvo' sentere
e ogneduno fa finta 'e niente:
se vasano 'e mmane ô nemico,
ntanto 'o friddo fa sbattere 'e diente.
Quanta vite rummaneno appese:
teseche comm'ê foglie 'e ggiurnale,
vulesseno scrivere e ddicere parole
a cchi nun vo' bbene e ffa male.
Comme foglie 'e giurnale stanno appese,
cu 'e pparole sculurite d' 'a pioggia;
aspettano d'essere liggiute;
ma nun se sape si dimane o ogge.
Se spera sempe ca nu bbellu juorno
na perzona onesta, sincera e ggalante...
scrivarrà ncopp'a 'sti foglie 'e ggiurnale
quacche nnutizia bbona e mpurtante.
E allora 'e pparole parlarranno:
alluccarranno cose 'a tiempo taciute.
Finarmente se cuntarranno tanti fatte,
se diciarranno cose maje lette e ssentute.
'A ggente accummenciarrà a ddicere,
scurrarranno sciumme 'e parole:
'int'ê rrecchie 'e tutte 'e crestiane,
se sentarranno 'e parpete d' 'o core.
Parlarrà pure chi nun teneva 'o diritto
parlarrà chi maje niente ha ditto.
Sunarranno 'e ccampane p'ore e ore,
a ogni rintocco spuntarrà nu sciore.
E cchiù nisciuno starrà appiso a nu filo,
comme si fosse nu foglio 'e giurnale:
pecché 'a vita 'e ognuno è mpurtante.
Pecché ogn'essere umano è speciale.
o
