Quanto rummore fanno 'sti penziere,
quanta parole stanno a ddicere nsilenzio.
Parlano 'e chello ca nun voglio sentere,
mme volano p' 'a capa quanno penzo.
'Sti penziere ca spisso stann'annascuse
e cchiagneno quanno rummaneno deluse.
'Sti penziere c'aggio spisso accamuffato,
se pigliano scuorno si veneno ncucciate.
'Sti penziere ca nun danno cunfidenzia,
spisso suspirano, nun teneno pacienzia.
'Sti penziere ca nun trovano arricietto
e ffanno male si stanno chiuse mpietto.
'Sti penziere ca se senteno carcerate
e nun vedeno ll'ora d'essere libberate.
'Sti penziere ncatenate dint'ê ccancelle:
ca se sonnano nu munno justo, bello.
'Sti penziere ca si 'e rriesco âcchiappà,
addeventano parole ca vulesseno parlà,
so' ttutte 'e penziere ca quanno 'e ccoglio,
pe ppassione s'attaccano ncopp'ô foglio.
So' 'e frutte 'e ll'arbero d' 'a fantasia mia:
quanno so' ammature addeventano poesie.
quanta parole stanno a ddicere nsilenzio.
Parlano 'e chello ca nun voglio sentere,
mme volano p' 'a capa quanno penzo.
'Sti penziere ca spisso stann'annascuse
e cchiagneno quanno rummaneno deluse.
'Sti penziere c'aggio spisso accamuffato,
se pigliano scuorno si veneno ncucciate.
'Sti penziere ca nun danno cunfidenzia,
spisso suspirano, nun teneno pacienzia.
'Sti penziere ca nun trovano arricietto
e ffanno male si stanno chiuse mpietto.
'Sti penziere ca se senteno carcerate
e nun vedeno ll'ora d'essere libberate.
'Sti penziere ncatenate dint'ê ccancelle:
ca se sonnano nu munno justo, bello.
'Sti penziere ca si 'e rriesco âcchiappà,
addeventano parole ca vulesseno parlà,
so' ttutte 'e penziere ca quanno 'e ccoglio,
pe ppassione s'attaccano ncopp'ô foglio.
So' 'e frutte 'e ll'arbero d' 'a fantasia mia:
quanno so' ammature addeventano poesie.
