Lettera ‘a Pulecenella
Stammatina, penzanno ‘e paisani mie, aggio pigliato carta ‘e penna e ho scritto ‘na lettera 'a Pulecenella.
Chella maschera dispettosa 'e allera, voce ‘e core 'e verità 'e passione, ca d’’a quanno ‘e natali avette ‘a Acerra,
p’'a genialità 'e Fiorillo, ha cuntato bruoglie 'e malefatte ‘e signuri 'e padroni...
'e comme se campava quanno lloro erano piccirilli: 'a chella epoca ce steve priezza 'e chiù onestà p’’e vvie,
sì pur 'a miseria se magnava; ‘na puteca 'a putive tenè araputa fin 'a tarda sera; putive durmì cuieto
ca porta d’’a casa aperta; ‘na passiata 'a putive fa senza piglià paura; 'e perzone se spartevano suonno, fantasia
e tuozzo 'e ppane.
‘Nvece mo teneno currivo, songo acetusi 'e ‘nfame.
'Nzuonno vulesse campà chilli mumenti, 'e quanno ll'uocchie arapesso nu vulesse rimanè appucundruto,
ma vulesso ca Napule fosse chella sunnata.
Pulecenella 'a te m'affido!
Scetete, nu sta abbacchiato ‘e spaparanzat''o sole, va p’’e vvie sunanno 'o mandulino, fa ascì 'a dinto 'e corde
'a voce d''a speranza.
Smuov''a cuscienza 'e stu popolo, ca forze nun è tarde!
Speranzuolo c’’a cuscienza d’’a società ca facimmo parte nun sia morta.
