Club Poetico

M'aggio costruito n'arca grossa assaje:
dinto ce stanno 'e ccose cchiù bbelle.
Appena se trase, nce sta nu viale luongo,
addó accumpareno case e ccasarelle.

Annanze a ogni ccasa nce sta nu prato,
cu ddinto ciure viecchie e appena nate.
Nfunno a ogni viale pe cchi tene voglia,
ce stanno frutte ca ogneduno coglie.

Nfunno 'a na valle dinto a nu stagno,
mmiez'ê giunche nce sta nu ranocchietto
che gracchia nzieme a rrane e ruospe:
d'essere vasato d' 'a principessa aspetta.

Ncielo se senteno 'e vvoce 'e ll'aucielle:
ccà nun se spara, nun se fanno guerre.
Ognuno è ccuntento 'e chello ca tene
e nce stanno sempe ciure 'int'ê sserre.

M'aggio costruìto chesta bbell'arca...
pe nce mettere tant'animale e ppecurelle.
'A mucca me dà 'o llatte, 'a gallina fa ll'ove
e ce sta pure na puteca cu 'e ccaramelle,

'E notte, sott'a nu cielo blu e n'aria fina,
na ballerina abballa: fa nu cuncertino.
Nu carillon cu 'e taste janche e ccurvine,
sona na ninna nanna doce p' 'e bambine.

Ccà se campa alleramente, cu armonia:
nce stanno cure p'ogni ttipo 'e malatia.
Chest'arca nisciuno 'a vede ma sta llà,
tene chello ca mme serve pe mm'acuità.

È na fortezza addó vaco a cchiagnere...
quanno ê vvote mme vene 'a malincunia.
È n'arca bella grossa e ssempe aperta:
sta annascusa 'int'a n'angolo d' 'a capa mia.

Quanno 'e matina nasce 'o juorno nuovo,
ogni ccosa s'anima e ppiglia culore.
'E ffoglie tuculiate, accarezzate d" 'o viento,
se strufinano fra lloro e ffanno ammore

Fra duje arbere, 'int'a n'angulillo 'e munno,
nu bucciuolo se spapagna e schioppa.
'Int'a nu prato ddoje campanelle janche,
s'astipano acqua pe ll'aucielle 'int'ê ccoppe.

Passano 'e gghiurnate, fra matina, sera,
'o tiempo ca vola mme dà malincunia.
Ncopp'a 'stu viale fra albe e tramonte,
quanta foglie secche rummaneno p' 'a via.

'A vita pare longa, ma mmece è ccorta:
arrassumiglia a na schiuppata 'e rose.
Se nasce, se more: ma dura troppo poco:
suttile è 'a vita, comm'a nu velo 'e sposa.

Pare nu felillo appiso ncopp'ô munno:
troppo poche e ccorte so' 'e gghiurnate.
È na farfalla appena nata ca se fa nu volo...
po' quanno se fa scuro, more 'int'â nuttata.

Sei sempre tu che dolce dolce, piano piano,
mi fai fremere il corpo con queste mani.
Mentre accordi le corde degli strumenti,
si solleva una passione insieme al vento.

Sospiri e parole si intendono senza parlare:
canta l’anima… note del cuore stanno a suonare.
Lenzuola avvolte, bocche appassionate.
Fuori alla porta il tempo si arrende e aspetta:

conta i minuti, le ore… ma senza fretta.
Dentro la stanza due corpi innamorati…
vicino al muro un’unica ombra, solo un respiro.

Tenco nu bicchiere mano a che so nnata,
è 'o 'e curredo ca mammà m'ha rialato.
Quanno eva chino chino nfino a ncoppa,
me nn'aggio fatto 'e bbevute cu 'sta vocca.

Mo ca 'o bbicchiere s'è qquase svacantato,
ce metto tiempo pe mme fa' na surziata.
'O pprincipio aggio bbevuto overo assaje,
bbevevo bbevevo, senza mme fermà maje.

'O tiempo passa, nu sciuscio e tte saluto:
'o liquido d''ô bicchiere è qquase fernuto.
Si tenc'a vocca secca, 'a lengua mpastata,
bbevo poco, pe me tenè 'o riesto astipato.

Mme guardo cu ttimore ogni gguccetella:
ogni ntanto cuntrollo p'ammesurà 'o livello.
È bbevo ancora, ma nun stongo cuieta:
doppo bbevuto mme rummane 'a sete!

Fosse bbello si tenesse tant'osterie,
addó se bevesse assaje, ccu superchiaria.
Ne putesse ordinà casce chiene 'a n'oste,
nne cercasse mille, facenn'a faccia tosta.

Passasse 'e gghiurnate cu ttanta frennesia,
brindanno 'a saluta 'e ll'ate e ppure 'a mia.
Purtroppo so' arrivata quase nfunno â vita:
'e 'sta bevanna è rrummasa scarzo nu dito.

E i' faccio comm'a ll'oste, 'o canteniere,
bevo nfin'a llurdemo surzo d''o bbicchiere.

Ah, sto' cchiena...
‘e dulure stammatina:
quase quase mme piglio n’aspirina.
Tenco pure nu poco ‘e male ‘e panza…
forze tenco… quacche intolleranza.

Eccì! Eccìù! E… ccià!
Aggio fatto ciento starnute:
si vaco annanze accussì,
so' ggià pronta p' 'o tauto!

Uh Madonna mia,
comme sto’ ccumbinata…
Ccà, pe’ mme muovere,
nce vo’ nu carrarmato!

Aggio fatto nu colpo ‘e tosse,
mpietto tenco nu dulore…
Neh! Che sta succedendo?
Niente niente fosse ‘o core?

Salute a vvuje… e parlanno cu ddecenza,
nun vaco bbona ‘e cuorpo…
però tenco nu poco ‘e flatulenza!
‘O core fa “pu ppù”…
Ah, nun ce ‘a faccio cchiù!

Quanno saglio ‘e scale,
mme vene ll’affanno:
tenesse ll’enfisema
o quacch’atu malanno?

Quanno respiro, faccio ‘o siscariello…
ma niente niente tenesse…
nu poco ‘e brunchitella?

‘A verità è cca ê vvote…
mme mpressiono.
‘A vecchiaia mme fa…
nu poco suggezzione.

‘O duttore dice:
ca nun m'aggi’ ‘a preoccupà…
nun tenco niente ‘e grave:
so' affetta… da anzianità!

Passata ‘a sissantina…
è nu dulore ogni mmatina!
Allora nun fa niente…
accussì vaco annanze:
nu poco zuppechianno…
cu quacche mmale ‘e panza.

Nun me mporta si spisso
mme fanno male ‘e rine…
si tenco ‘o core pazzariello
e nu poco ballerino.

Nun fa niente si ê vvote
tremmo c’ ‘a mano…
si pure cu ‘e llente
nun veco a vicino e a luntano.

E nnun voglio penzà
a qquanno vaco
a ffernì ‘int'ô puzzo…

D’ ‘o calice d’ ‘a vita
mme voglio bbere
nfin’a ll’urdemo surzo!

Quann’essa vene,
annanz’â porta fa: “drin drin!”
I’ aizanno ‘o calice
faccio ll’urdemo bbrinnese:
Cin cin! ????

Ah luna, luna, lunella...
bella, janca e ttonna...
allumma, schiarisce
e abbagliame 'e suonne.
.
Fa ca ogni ccriaturo
nun appena se sceta,
trova pace e ammore
'int'a ttutto 'o pianeta.
.
Fa ca ogni mamma,
ca p' 'o figlio sujo
lotta e ccumbatte,
tene sempe astipato,

nu pietto chin'e latte.
Fa ca vicino a ogni culla
nce sta na nunnarella,
ca canta na ninna nanna

a na bbella nennella.
.Fa ca 'int'a ogni ccasa
cresce nu criaturo,
ca tene annanze a isso

nu luongo futuro.
.Fa ca tutte ll'uocchie
abbrillano pe na cosa c'abbaglia
e nno pe nu fuoco 'e paglia

ca c' 'o calore se squaglia.
.Fa ca ogni vvocca
sarrà 'e zucchero chiena
e nun pruvarrà maje

ll'ammari d' 'o vveleno.
Fa ca ogni nnaso d' 'e mmagnolie
sentarrà sempe ll'addore,
maje fieto 'e cuorpe accise

e ccu 'e stentine 'a fore.
.Fa ca ogni mmana,
astregnarrà n'ata mana,
pecché tutte aunite

se va cchiù lluntano.
.Fa ca tutt'e 'e piede,
se nfunnarranno sulo
d'erba nfosa 'e rugiada

e nun calpestarranno
cchiù 'o sanghe
d''e cuorpe marturiate.
Fa mmodo ca ogni nnave

quanno trase 'int'ô puorto,
trova nu faro ca 'a guida
e lle dà cunfuorto.
Fa ca femmene e uommene

nun se faranno cchiù 'a guerra
e cca nce starrà tant'armunia
fra tutte 'e popole d' 'a terra.
Fa ca 'stu quarto 'e vita

ca mm'è rrummasa,
pozza essere avvellutata
comm'a na stola 'e raso.
Luna, lunella prumiettene

ca quanno arriva 'o mumento,
me purtarraje ngiro
ncopp'a nu carro argiento.
'O ssaccio, 'o ccapisco...

ca ognuno fa chello ca po' ffa',
però luna luna, lunella bbella,
vide si mme può accuntentà.

Mmo ve dico e mmo ve conto
comm'è bbona 'a mulignana.
Cu essa nce può appriparà
na gustosa parmigiana.

Fritta, arrustuta, ô furno:
'a può ffa' comme vuo' tu.
È sfiziosa, assaje sapurita...
è bbona comm'a nu sciusciù.

Fatta a fette o a ffungetiello,
cu ll'aglio e 'a pummarulella.
Cu ll'aceto o 'a scarpone:
comm'a faje è ssempe bbona.

Quanno frivo 'e mmulignane.
che prufumo 'int'â cucina.
Sbircia 'a copp'â fenesta,
curiusanno don Peppino.

Isso quanno 'o ccafè fa,
nu poco a mme m' 'o ddà:
chianu chiano s'avvicina,
m' 'o mmette 'int'â tazzina.

E io allora...pe ricambià,
pure poco nce ll'aggi' 'a da'.
'On Gennaro sente addore,
caccia 'a capuzzella 'a fore.

'Onn'Ama', a mme niente?
Surride mustranno 'e diente.
No assaje, sulo nu tanto,
propeto pe nun ghjì avvacante.

"Nun ve voglio dà 'a pressa,
ma nu poco mme piacesse.
Sto ssentenno sulo addore,
pozzo pruvà pure 'o sapore?

E va bbuono, mo v' 'a dongo,
'int'a nniente 'a mana allonga.
Trase 'e sicco, 'e chiatto se mette
e sse nfizza 'int'a scazzetta.

Con un fare ammiccante,
se mette a ffa' 'o galante:
"se non gradite m'inibisco,
ma se permettete m'inserisco."

Po' trase dinto se ntrattene
e pprova 'a mulignana...
po' vede 'e mmuzzarelle
e ppure llà nce mette 'e mmane.

Po'...però sempe cu rrispetto,
...se fa pure 'a scarpetta.
Sarrà ca nce metto ammore,
tanta passione e fantasia,

ma 'a vonno tutte quante
'sta mulignanella mia.
Io, ma sulo pe ggenerosità,
'a ogneduno ll'aggi' 'a dà.

Mo m'arrapo nu ristorante,
accussì 'a dongo a ttutte quante.
Giovanna Balsamo
Link de: "i miei scritti"

Traduzione

La melanzana

Ora vi dico e vi racconto
com’è buona la melanzana.
Con lei si può preparare
una gustosa parmigiana.

Fritta, arrostita, al forno:
la puoi fare come vuoi tu.
È sfiziosa, molto saporita…
è buona come un ciuciù.

Tagliata a fette o a funghetto,
con l’aglio e il pomodorino.
Con l’aceto o la scarpone*:
come la fai è sempre buona.

Quando friggo le melanzane
che profumo in cucina!
Sbircia dalla finestra,
curiosando, don Peppino.

Lui quando fa il caffè,
un poco me lo dà:
piano piano s’avvicina,
me lo mette nella tazzina.

E io allora… per ricambiare,
anche poco glielo devo dare.
Don Gennaro sente l’odore,
sporge la testolina da fuori.

Donn'amalia, a me, niente?”
dice a sorridere mostrando i denti.
Non troppo, solo un assaggio,
giusto per non restare digiuno.

“Non vi voglio mettere fretta,
ma un poco mi piacerebbe.
Sto sentendo solo il profumo,
posso provare anche il sapore?”

“Va bene, ora ve la do”,
allunga subito la mano.
Entra dentro, si ontromette
e si infila nella scazzetta.

Con fare ammiccante,
si mette a fare il galante:
“Se non gradite mi inibisco,
ma se permettete mi inserisco.”

Poi entra e si trattiene,
e prova la melanzana…
poi vede la mozzarella
e anche lì ci mette le mani.

Poi… però sempre con rispetto,
si concede pure la scarpetta.
Sarà che ci metto amore,
tanta passione e fantasia,

ma la vogliono tutti quanti
questa melanzanella mia
Io, ma solo per generosità,
a ognuno la devo dare.

Ora apro un ristorante,
così la do a tutti quanti.

'A primma cosa ca voglio ogni mmatina,
nun è 'o llatte, ma 'o bicchieriello 'e vino.
Mme sceto ggià cu cchillu penziero:
ddoje bbutteglie, una janca e n'ata nera.
.
'E vine nce ne stanno overo nquantità,
io mme ne ntenno, me piace d' 'e studià.
Nce sta chillu leggiero, allero e ggentile,
ca tene na puntella 'e doce femminile.
.
Te n'adduone ca è sensuale, sensibile:
sott'â luce abbrilla, 'o vide luccichià.
È comme a na femmena vezzosa, doce,
leggiadra ca te turba, se vo' fa' assaggià.
.
Io 'o pprovo cu 'a lengua, po' ll'assaporo,
m' 'o vvaso, m' 'o bbevo e po' ll'addoro.
'O vino niro ammacchia e nne va fiero:
lassa pe ricordo, n'alone 'int'o bbicchiere.
.
Quanno bevo mme sento n'ammiraglio,
ca mpietto tene appuntata na medaglia.
Sentenneme mpurtante e ppure vincitore,
mme veco cu ncapa na curona 'e alloro.
.
Spisso po' succede ca nun ce veco bbuono:
Mmece d''a butteglia me scol'o buttiglione.
Nun sto' mmaje sulo, 'a tenc'a cumpagnia,
parlo c''a bbutteglia: é 'a nnammurata mia.
.
Nun s' allamenta, mme vo' bbene accussì:
m'ascarfa, mme cunzola e me sape capì.
È n'amica fedele, sta sempe nziem'a mme:
quanno bbevo assaje nne veco ddoje o tre.
.
Allora so' ccuntento, allero, emozionato;
rido, canto e so' ffelice 'e sta' mbriacato !
o

Traduzione

L'ubriaco

La prima cosa che voglio ogni mattina
non è il latte, ma il bicchierino di vino.
Mi sveglio già con quel pensiero:
due bottiglie, una bianca e un’altra rossa.

Di vino ce n’è davvero in abbondanza,
me ne intendo, mi piace studiarlo.
C’è quello leggero, allegro e gentile,
che ha una sfumatura dolce, femminile.

Ti accorgi che è sensuale, sensibile:
alla luce brilla, lo vedi luccicare.
È come una donna vezzosa, dolce, leggiadra
che ti turba, si vuol far assaggiare.

Io lo provo con la lingua, poi lo assaporo,
lo bacio, lo bevo e poi lo respiro.
Il vino rosso macchia e ne va fiero:
lascia come ricordo un alone nel bicchiere.

Quando bevo mi sento un ammiraglio,
che sul petto ha appuntata una medaglia.
Sentendomi importante e anche vincitore,
mi vedo con in testa una corona d’alloro.

Spesso poi succede che non ci vedo bene:
invece della bottiglia mi scolavo il bottiglione.
Non sono mai solo, ho compagnia:
parlo con la bottiglia, è la mia innamorata.

Non si lamenta, mi vuole bene così:
mi riscalda, mi consola e mi sa capire.
È un’amica fedele, è sempre insieme a me:
quando bevo molto ne vedo due o tre.

Allora sono contento, allegro, emozionato;
rido, canto e sono felice di essere ubriaco!

Nascette miez'ô ggrano ô mes'e Ggiugno,
fra na magnolia e nu campo 'e margherite. Cacciaje 'a capuzzella 'a fore, germogliaje: '
a terra feconda e ffertile lle dette 'a vita.
Ntanto 'ca o viento doce 'a cunnuliava,

'sta bbella criaturella frutto 'e ll'ammore... nascette comm'a na schiuppata 'e rose,
'inta nu gruosso campo 'e cavulosciore.
Era bellella, bellella, pezzerella pezzerella;
sulo nu poco cchiù aveta 'e na furmichella.

Teneva mane e bbraccelle pezzerelle
e tutte 'a chiammavano "mullechella."
Nun cresceva, era rummasa na nennella: campava aria, durmeva sott'ê stelle.
Ll'amice d' 'o bosco e d' 'e campe vicine,

'a vedevano correre d' 'a sera â matina.
Curreva e lle piaceva 'o viento 'int'ê capille: curreva appriesso a ogni ccosa c'abbrilla.
Nu cuorpo pezzerillo ma nu granne core: campav 'e sole, 'e vita: campava d'ammore.

Nu bbellu juorno se nne jette mullechella: ncopp'â terra se stutaje na sciammetella. '
A salutajeno ll'aucielle, 'e ccuccinelle,
'e ffarfalle, 'e llucciole, 'e fringuelle:
"Curre curre, vola, vola aveta mullechella...

saglie ncielo, va abbrillà mmiez'ê stelle."
Sarrà pe cchesto, ma se dice ca d'allora,
tutte 'e ninne nasceno sott'ô cavulosciore. Sarranno credenze antiche, fatte, fattarielle
so' storie tennere comm'ê mmullechelle."

Traduzione

Mullechella

Nacque in mezzo al grano, nel mese di giugno,
tra una magnolia e un campo di margherite.
Spuntò la testolina fuori, germogliò:
la terra feconda e fertile le diede la vita.
Intanto il vento la accarezzava, la cullava

questa bella creaturina, frutto dell’amore...
nacque come uno scoppio di rose,
in un grande campo di cavolicelli.
Era bellina, bellina, piccolina piccolina;
ma più veloce ancora di una formichina.

Aveva manine e braccine piccoline,
e le diedero il nome di “mullechella.”
Non cresceva, restava una bambinetta:
viveva d’acqua, d’aria, dormiva sotto le stelle.
Gli amici del bosco e dei campi vicini

la vedevano correre dalla sera al mattino.
Correva e le piaceva il vento fra i capelli:
correva dietro a ogni cosa che brillava.
Un corpicino piccolo ma un grande cuore:
viveva di sole, di vita: viveva d’amore.

Un bel giorno se ne andò la mullechella:
sulla terra si spense una fiammella.
La salutarono gli uccellini, le coccinelle,
le farfalle, le lucciole, i fringuelli:
“Corri corri, vola, vola leggera mullechella...

sali in cielo, vai a brillare tra le stelle.”
Sarà forse per questo… si dice che da allora,
bimbi e bimbe nascono sotto il cavolicello.
Saranno antiche credenze, fiabe, storielle,
sono racconti teneri, come le mullechelle.

Comme corre e ffuje 'a vita,
spisso 'int'ô mmeglio te lassa:
pure si vede ca t' 'a spasse,
te strattona e tt'arrepassa.
T'abbandona bello e bbuono,
senza te cercà 'o permesso,
se nne va a ll'intrasatto,

lassannete comm'a nu fesso.
'A morte cazzimmosa aspetta...
nun se trova maje llà pe ccaso:
bburiosa e ppretenziosa,
te leva 'a vita 'a sott'a 'o naso.
Pure si vaje cuonce cuonce,
e ffaje sulo poco rummore,

arricriannete e gustannete
d' 'a vita ll'addore, 'o sapore;
essa sta ggià llà acquattata...
t'afferra, te piglià e ddice:
"'Sta vota attocca a tte"
E ttu comme 'a cuntraddice!
Nun lle daje cunfidenzia...

ma quann'essa s'è ncurnata,
pure si faje resistenza;
int'a nniente t'ha afferrato.
Può ffa' pure carte faveze,
'o bbuffone, 'o smargiasso,
cu essa nun può ddicere:
"va bbuono... 'sta vota passo."

Può avè tutte 'e rragione,
cu essa haje sempe tuorto,
quanno vene e sse ncorna,
'int'a nniente tu...si' mmuorto.
Pecché essa è na nfamona,
nsulente e ccazzimmosa:
nun lle fa' specie niente;

manco 'o cchiù 'e ogni ccosa.
Può ttenè pure 'e bbrillante,
chello ca costa cchiù caro:
anfore, casce 'e rubbine,
diamante e pperle rare.
Nun lle mporta comm'è 'a pelle,
quanno tu si' bbrutto o bbello,

si hê cammenato pare pare
o si hê fatto o paro e 'o sparo.
Può ttenè assaje sorde:
sott'a 'o lietto, 'int'ê bbuatte,
tutto ll'oro d' 'o munno:
cu essa no, nun scinne a ppatto.
Quanno passe chella porta,

si' ggeneruso o si' avaro
si' straricco o puveriello...
...nun te servono 'e denare.
Chello ca nvita hê guadagnato,
mbruglianno o cu onestà;
quanno trase a ll'atu munno,
nun te serve...ll'hê 'a lassà.

Me Matri si susiva prestu a matina sempri cu lu travagghiu 'ntra li mani cu nu drappu di tissuto mi cosiva na vestina
Cu l' ugliu , sali, feddi di furmaggiu, pumadoro conzava u pani.
Prizziusa la so vuci cumu marna.
Lu scantu ci strinciva u cori
Scauro di mennule e gersumini avia la me mamma.
Lo so " ti vogghiu beni" m'arricriava l' arma
Intra a naca m' abbannavo cu l' occhiuzzi sireni

Nun appena trase Giugno tutto sbracciato,
'a natura se fa bbella cu 'e culur'e ll'estate.
P'accumparé se mette gioielle 'e lusso:
ncopp'ê rame abbrillano 'e rubine russe.

'E ffigliole 'a copp'ê rame, 'a 'int'ê spaselle,
cu 'e ccerase fanno ricchine e ccullanelle.
'Int'ê prate adduruse, sciur'e tutte 'e culure,
accarezzannese fanno ammore c' 'a natura.

'O sole cu 'e ragge suje d'oro 'int'â calura...
tegne d'oro 'o ggrano jonno ammaturo.
Nu venticiello pazzariello 'o ramo tuculea,
n'ape va a mpullinà 'e sciure e sse sfezzea.

'E vvoce d' 'o cielo cuncerteano 'int'a ll'aria:
cinguetta 'o fringuello, risponne 'a canaria.
'E perzeche doce ll'arbere se so' rregnute:
pareno facce 'e nenne lisce comm'ô velluto.

Dduje nnammurate tuzzuliannese 'e nase,
se fanno 'e cciance: nu vaso e na cerasa.
Sarrà forze 'o calore, sarrà tutto 'st'addore
ma appena trase Giugno tutto accalurato,

ogneduno se leva 'a cuollo ll'amarezza,
fa nu surriso e dà 'o benvenuto a ll'estate.

Comme corre e ffuje 'a vita,
spisso 'int'ô mmeglio te lassa:
pure si vede ca t' 'a spasse,
te strattona e tt'arrepassa.
T'abbandona bello e bbuono,
senza te cercà 'o permesso,
se nne va a ll'intrasatto,

lassannete comm'a nu fesso.
'A morte cazzimmosa aspetta...
nun se trova maje llà pe ccaso:
bburiosa e ppretenziosa,
te leva 'a vita 'a sott'a 'o naso.
Pure si vaje cuonce cuonce,
fai casino o poco rummore,

ntanto ca t'addecrie 'int'â vita,
gustanno ll'addore, 'o sapore;
essa sta ggià llà acquattata...
t'afferra, te piglià e ddice:
"'Sta vota attocca a tte..."
e ttu comme 'a cuntraddice!
Nun lle daje cunfidenzia...

ma quann'essa s'è ncurnata,
pure si faje resistenza;
int'a nniente t'ha afferrato.
Può ffa' pure carte faveze,
'o bbuffone, 'o smargiasso,
ma cu essa non può dicere:
"va bbuono... 'sta vota passo."

Può avè tutte 'e rragione,
cu essa haje sempe tuorto,
quanno vene e sse ncorna,
'int'a nniente tu...si' mmuorto.
Pecché essa è na nfamona,
nsulente e ccazzimmosa:
nun lle fa' specie niente;

manco 'o cchiù 'e ogni ccosa.
Può ttenè pure 'e bbrillante,
chello ca costa cchiù caro:
anfore, casce 'e rubbine,
diamante e pperle rare.
Nun lle mporta comm'è 'a pelle,
quanno tu si' bbrutto o bbello,

si hê cammenato pare pare
o si hê fatto o paro e 'o sparo.
Può ttenè assaje sorde:
sott'a 'o lietto, 'int'ê bbuatte,
tutto ll'oro d' 'o munno:
cu essa no, nun scinne a ppatto.
Quanno passe chella porta,

si' ggeneruso o si' avaro
si' straricco o puveriello...
...nun te servono 'e denare.
Chello ca nvita hê guadagnato,
mbruglianno o cu onestà;
quanno trase a ll'atu munno,
nun te serve...ll'hê 'a lassà.

Si' bbella 'e juorno, 'e notte, 'e matina.
Si' bbella quanno ll'estate s'avvicina.
Si' bbella a vvierno, a pprimmavera.
Si' bbella, quann'è scuro e sse fa sera,

Si' bbella cu 'a pioggia, c' 'o viento
e qquann'o cielo ntronna e ss'allamenta.
Si' bbella quanno tramonta 'o sole.
Si' bbella pure quanno ncielo chiove.

Si' bbella pecché 'o Vesuvio cunforta;
ogni nnave ca trase 'int'ô puorto.
Quanno po' a Mmaggio te vieste 'e rose,
si' na pupatella cu 'o vestito 'e sposa.

Si' bbella pe cchi passa 'e pressa e ffuje;
ma penzannete...'e passione se struje.
Te chiamme Napule e si' ssempe bella:
si fusse n'astro, fusse 'a cchiù bbella stella.

Si' bbella quanno Pusilleco e Mmarechiaro,
se ntulettano cu ll'acqua verde d' 'o mare.
Si' bbella, sciasciona e assaje aggraziata:
si' bbella a vvierno e qquanno è estate.

Chi aggira tutt' 'o munno e ppo' te trova,
vene spisso nfin' 'a ccà pe te vedé.
Pecché nun ce sta n'ata città cchiù bbella;
ma bbella, bella, bella...bella comm'a tte.
."

Lassateme sta', faciteme chiagnere:
nun me pozzo agnottere 'o dulore.
Ll'uocchie teneno ggià 'e llacreme pronte:
senza ca mme n'addono jesceno fore.

Comm'a goccia ca quanno chiove,
scorre luongo 'e vvenature 'e na foglia;
accussì 'e llacreme scenneno p' 'e vise;
quanno 'e chiagnere te vene 'a voglia.

Nce sta chi si 'o mmale fa troppo dulore,
s'annasconne 'o chianto pe ddecoro.
I' mmece chiagno, m'aggi' 'a sfucà:
si chiagno, nu poco 'e tristezza se nne va.

E si nun ve va e mme vedé triste,
nun v'angustiate, facite ll'indifferente.
Aspettate ca mm'accuieto e mme passa:
facite finta ca nun é succiesso niente.

Voglio chiagnere, n'atu ppoco ancora:
nun saccio si pe nu minuto o pe n'at'ora.
E si mme rummane n'atu ppoco 'e dulore,
chiagno quanno ncielo 'o sole more.

Quanno ll'ombre cummogliano 'o chiarore
e so' ssicura ca nisciuno mme guarda.
Quanno 'a notte pitta 'o munno 'e niro,
'int'ô scuro nun se po' ncrucià nu sguardo.

Si quanno tutto 'o munno s'arreposa,
'int'ô scuro sentite nu chianto, nu lamiento;
nun ce facite caso, nun v'angustiate:
songh'io ca allucco nzieme ô viento.